چاوپێکەوتنە تەلەفزیۆنییەکان پێویستیان بە پەیڕەوکردنی کۆمەڵێک یاسای ئەتەکێت هەیە، کە پێشکەشکار و میوان دەبێت پێیەوە پابەندبن، جا چاوپێکەوتنەکە ڕاستەوخۆ پەخش بکرێت یان تۆمار بکرێت، لەم چوارچێوەیەدا، ڕاوێژکاری ئەتەکێت و دیزاینەری ڕواڵەت، (هند المؤيد)، باس لە ئامۆژگاری و ڕێساکانی پەیوەست بە ئەتەکێتی چاوپێکەوتنە تەلەفزیۆنییەکان دەکات، لە خوارەوە ڕوونکراوەتەوە:
یاساکانی ئەتەکێت کە میوان دەبێت پەیڕەوی بکات:
- دەبێت میوان و پێشکەشکار بە درێژایی بەرنامەکە بە شێوەیەکی دیسپلیندار و ڕێک دابنیش.
- دانیشتن بە شێوەیەکی دیسپلیندار بە درێژایی بەرنامەکە، واتە ڕێککردنی جەستە، ئەمە جگە لەوەی پێویستە پێیەک لەسەر پێیەک دانەنرێت لەبەر ڕێزگرتن لە بینەر.
- پێویستە میوان پێش دەرکەوتن، ئاشنای سروشتی بەرنامەی تەلەفزیۆنی و پێشکەشکار بێت، هەروەها زانیاری پێویستی لەسەر بابەتی ئەڵقەکە هەبێت، هەروەها پابەند بێت بە پرسیارەکانی پێشکەشکار.
- هەڵبژاردنی جلوبەرگی فەرمی یا نیمچە فەرمی، لەبەر ڕێزگرتن لە بەرنامە و دیمەنەکان، هەروەها لە ئیکسسواراتە نابریقەدار و زیادەڕەوی نەکرێت.
- ئامۆژگاری ناکرێت ماکیاژێکی تۆخ یان جوانکاری لەبەر بکرێت، تا ڕوخسار سادەتر بێت، دەرکەوتنی جوانتر و باشترە.
- پابەندبوون بە ئەخلاقی گشتی و یاسا ئەخلاقییەکان، هەروەها زەردەخەنەکردن و وازهێنان لەزیادەڕەوی لەگاڵتەجاڕیدا.
- بە دەنگێکی ئارام قسە بکە، لە هەمان کاتدا دوور بکەوەرەوە لەبڕينی قسەکانی پێشکەشکار.
- دوورکەوتنەوە لە ساختەکردن لە کاتی قسەکردنی تەلەفزیۆنیدا.
- وەڵامدانەوەی پرسیارە شەرمەزارکەرەکان بە شێوەیەکی دیپلۆماسی.
- گرینگی بە هەڵبژاردنی وشەکان بدە، جگە لە پێویستی هەڵبژاردنی یەک زمان لە قسەکردندا، لەگەڵ وەرگێڕانی هەر زاراوەیەکی بیانی بەپێی زمانی بەرنامەکە.
- لە کاتی قسەکردندا خۆت بەدوور بگرە لە جوڵاندنی دەستەکان.
- لە کاتی قسەکردندا نابێت بەهای بینەر یان پێشکەشکار بە کەم سەیر بکرێت.
یاساکانی ئەتەکێت کە پێشکەشکار دەبێت پەیڕەوی لێبکات:
- پەیوەندی چاو لەگەڵ میوان، ڕێزگرتن لێی پیشان دەدات.
- ئارامگر و سنگ فراوان بە، لە هەمان کاتدا دوور بکەوەرەوە لە ئەنجامدانی هەندێک جوڵەی دەمارگیری.
- گرنگی بە دەربڕینە دروستەکان بدە.
- بە دەنگێکی ئاسوودە و ڕوون قسە بکە نەک نزم.
- هەڵبژاردنی وشەکان زۆر بە وردی بەتایبەت ئەگەر بەرنامەکە زیندوو بێت و ڕاستەوخۆ پەخش بکرێت.
- خۆی لەوتنی (ئم) بەدوور بگرێت.
- باش نییە ڕەفتارێک یان وشەیەک لە قسەکاندا دووبارە بکرێتەوە.
- هەڵبژاردنی جلوبەرگی گونجاو و ڕێک، بەگوێرەی داب و نەریتی کۆمەڵگا.
- پێشکەشکاری کۆبوونەوەکە پێویستە بە باشی خۆی بۆ تەوەری ئەڵقەکە ئامادە بکات، زانیاری تەواو سەبارت به میوان و بابەتەکە هەبێت.
- پێشکەشکاری ئەڵقەکە پێویستە پێشوازی لە میوانەکە بکات، بە ئامادەکارییەکی باش بۆ بابەتەکەی ئەڵقەکە، بەبێ ئەوەی پشت بە تایبەتی بە ستافی ئامادەکارییەکان ببەستێت.
- پێدانی مافی پێشکەشکردن بە میوان، بەبێ ئەوەی پێشنیار بکات.
- دوور بکەوەرەوە لە پچڕاندنی قسەی میوان.
